同鞏俐合作電影《邁阿密風暴》（MiamiVice）而傳緋聞嘅愛爾蘭壞男孩哥連菲路（ColinFarrell），噚日聯同伊娃文廸絲（EvaMendes）以特殊奧林匹克全球形象大使身份喺上海盧灣區輔讀學校出席慈善籃球活動，同場仲有趙薇同莫文蔚。
未聽過張藝謀大名
哥連接受內地記者訪問時大讚鞏俐有獨特魅力，佢話：「她是一個富有精神、非常熱情的人，也是我認識的最國際化的中國女影星，我印象最深刻是她為了把跳舞的戲拍好，整隻腳受傷貼滿膠布也不喊痛，是我認識的最敬業演員之一。她是一個很有智慧的人，雖然有時候語言不通，但仍能培養出默契，她的身上總是有一種獨特的魅力。」
大會仲分別送咗《2046》、《英雄》同《夜宴》DVD畀哥連，佢話睇過《2046》，但就冇聽過張藝謀，對於章子怡主演嘅《夜宴》，佢嘅反應都好冷淡。
與吳大維同台尷尬
另外，趙薇同曾經傳緋聞嘅主持人吳大維同台時，表情唔係好自然，似乎幾尷尬。趙薇𠵱家喺北京大學讀緊導演系研究生，佢話每朝八點讀到晏晝五點半，好似小學生活咁。
採訪、攝影：盧健
