一名中年女子日前在荃灣愉景新城當街抹汗，手法豪放，嚇親途人。目擊者透露，該名女子當眾拉起上衣，拭抹頭汗，不僅露出肚臍，連胸部也一併走光；更驚人的是，她並無戴胸圍。有網友懷疑，抹汗的人實是男人，只是胸肌肥大，惹來美麗的誤會。
「會唔會係男人？」
目擊者WinniethePooh在BeautyExchange直擊報道：「行行吓嘅時候，迎面而來見到有個女人，拿高件衫抹汗。我初時諗住，最多咪見到個肚，點知佢裏面真空，bra（胸圍）都冇戴，見晒呀，連nipple（乳頭）都見埋呀！」
網友無不感到匪夷所思，愛美麗大膽假設說：「會唔會係男人來㗎？我都見好多肥男人。個胸真係可以戴bra㗎喎。我男友個胸都大㗎，有做gym（健身），佢都話如果唔keep，可能要戴bra。」網友mimimomo有類似經歷：「我喺HKDisney（香港廸士尼）都見過啲咁嘅女人呀，排排吓隊就拿高件衫抹汗，但佢有戴bra，同埋只係見到個肚。」