相信各位球迷最少都有一兩件波衫看門口，喺香港買波衫，大球會波衫唔熨字，幾百蚊就有交易。
我自己作為球迷，波衫就真係唔多，暫時只有曼聯、車仔同漢諾威各1件。咁少波衫，一來係價錢對我嚟講太貴，二來覺得好難襯衫。上身着咗件波衫，下身都唔知着裙定褲好，着嚟去街又好似怪怪哋，所以我見香港地都冇乜女仔會着波衫行街。
太man冇晒線條美
至於上鏡，我啲朋友都問我點解做節目唔着吓。其實都試過㗎，但係一着起，就覺得自己好鬼man，畀件細碼我都係太大件，加上又冇晒線條美，所以唔鍾意，亦唔會花錢再買波衫。
男仔就唔同，你見球彩台班男主持間唔中都會着波衫出鏡，大尺碼仲可以幫佢哋掩飾過胖嘅身形，又夾晒我哋個節目。佢哋大可今日着曼聯，聽日着利記再加條牛記就得，唔使好似我哋女主持咁，成日為衫煩惱。
講到尾，其實都係想話畀你聽波衫唔太啱女仔着啫！
WENDY
由歐國盃EuroBabes，變身球彩台受歡迎主持。