樂基兒、AmandaStrang等10多個模特兒，噚日喺銅鑼灣出席「DTCFOREVERMARKMYSTIQUE」美鑽展覽騷，啱啱榮升鑽石大使嘅LisaS.，代表DTC送30萬善款支票畀「關懷愛滋」。
眾女模異口同聲話冇患上愛滋病嘅朋友，樂基兒話自己由十幾歲𡃁妹喺美國，已經做愛滋病測試，𠵱家都keep住年年做，佢話：「因為AIDS唔只係性行為，我唔想危害其他人。」佢又破例講男友黎明，話自己冇收過男友送鑽石：「我冇唔開心，因為拍拖係鍾意大家，唔係要求回報同收禮物。」
Amanda：冇性愛
LisaS.直認堅持要男友吳彥祖用安全套，佢話：「Nocondom,nosex！我會幫男朋友買套㗎。」問到AmandaStrang安全性行為，佢居然話：「我冇性愛呀！」問佢係咪處女？佢尷尬咁講話：「今日係囉，不過你都知我好鍾意騎馬㗎啦！」Amanda後來解釋說：「我唔想講咁多，我阿媽同嫲嫲會睇報紙㗎！」
