台灣前排嘅天下圍攻好熱鬧，雖然暫時都未趕到阿扁落台，但都算係一次宣示民意嘅和平行動。保安局前局長葉劉淑儀話，以前做官時想去台灣去唔到，次次申請上頭都唔批，好遺憾到今日都未去過台灣，但𠵱家做咗平民，遲吓都有計劃過寶島考察吓。
葉太話，當年做工業署署長時好想去台灣睇吓人哋點搞科學園，但政治顧問堅持英國恪守一個中國政策，唔可以同台灣有官方接觸，就算用諮詢委員會主席嘅身份，或者私人去都唔可以。
回歸後中國人當家作主嘞，但佢身為保安局局長，呢個位好敏感，結果都係不准成行。佢又講笑話，其實去台灣好危險，又偷拍、又針孔，到時分分鐘水洗都唔清喎！