多年前楊采妮曾與郭富城拍攝金飾廣告，又擔任過城城《You&Me》MV女主角，今次拍攝電影《父子》，在兩人眼中，雙方雖改變不少，但同樣有讚冇彈。
城城談Charlie：添女人味
城城說：「都唔明當年公司點解會搵一個女人樣嘅男仔頭嚟做女主角，我記得初時見到Charlie，諗住佢一定係個好溫柔嘅女仔，點知原來佢係一個男仔。今次見番Charlie，女人味多咗好多，我好欣賞佢份人好有愛心，睇完佢飾演阿媽嘅戲份，我更加深信Charlie他日必定係一個好老婆同好媽媽。」
Charlie談城城：似大細路
Charlie則說：「當年要同天王拍MV，我好緊張，好彩佢成日都同我講笑等我輕鬆吓。佢最得人鍾意嘅係擁有童真，講真一個藝人喺娛樂圈做咗咁多年，仲可以保留到一份童真係好難得嘅事，城城就做得到。咁多年冇見佢，都依然好似一個大細路咁，所以我覺得佢做人老竇嘅話，一定會好識得同小朋友相處。」
另一方面，《父子》成為羅馬電影節的競賽影片，獲提名競逐最佳電影、最佳男、女主角等獎項。
城城和Charlie前晚與導演譚家明及飾演城城兒子的吳景滔出發參加羅馬電影節，Charlie表示她與導演皆是天主教徒，到埗後會馬上往梵蒂岡朝聖，她又謂希望導演能憑此片奪最佳電影獎，譚家明則表示最想城城得獎。城城則謂戒了煙12年，但為了該戲又要再吸煙。
