應屆港姐冠軍陳茵媺、亞軍周家蔚、季軍呂慧儀（左）同旅遊大使徐淑敏（右）日前出發去廣西，進行一連九日嘅親善之旅，除咗走訪桂林山水景點外，又探訪學校兼親睹梯田，見識當地少數民族嘅生活。呂慧儀同徐淑敏仲大解放，被安排去溫泉勝地拍攝，可以話係行程中最歎嘅，佢哋見到露天風呂仲急不及待更衣，一邊享受溫泉，一邊有傾有講㖭。