薛凱琪（Fiona）最近忙於在順德拍攝劇集《新不了情》，昨日她特別請假返港，出席在中環舉行的交通安全大使委任典禮，正式獲委任為交通安全大使。
穿上制服的Fiona坐綠色開篷甲蟲車到場，引來不少人圍觀拍照。身為交通安全大使，Fiona自然要以身作則做好榜樣，她說：「未做大使之前，有次我揸車時扣安全帶個方法錯咗，有個警察盡忠職守抄咗我牌。我都覺得呢個可以係反面教材，等大家知道就算你扣錯安全帶都要罰，以後我會好好提醒朋友要小心揸車。」
「我都好大力㗎」
對於官恩娜疑被非禮一案，Fiona在內地也聽到這個消息，她說：「呢啲冇得驚，我相信入得我fanclub嘅歌迷都好乖，其他陌生啲嘅歌迷好難講。但我反應好快，即時會走開。如果真係有色狼走埋嚟，我一定用批踭術對付，我都好大力㗎！不過今日呢個活動有咁多警官在場，一定唔會有人襲擊我。」
採訪：王連連 攝影：陳慧安