林保怡同王喜最近到北京同上海拍攝無綫新節目《江山美人》，之後仲會去大連、蘇州、成都、武漢、長沙同廣州㖭。旅途中，佢哋會挑選美女參加比賽，選出最能代表當地嘅旅遊大使，最後八個地方嘅優勝者會喺年底嚟到香港參加總決賽。林保怡同王喜日前就同打扮性感嘅內地美少女去咗北京一個遊樂場，不過向來性向成疑嘅林保怡同王喜，就一直目不斜視，尤其林保怡，全程掛住食嘢，唔理啲美少女。
