大澳出現大白鯊？冇錯，的確係鯊魚，但卻已被曬成超大鹹魚。網上多個論壇最近流傳兩幅大白鯊鹹魚照片，吸引大批網民議論：「wa…sobig」「嘩……成條……勁！」「食得的嗎？」「好想食吓！」「唔拎去做魚翅，反而做鹹魚=.=……」「唔知要食幾耐呢？」
溯本尋源，三個本港網民分別在三個論壇中不約而同地指明了大白鯊鹹魚的出處，~Jacky~說：「大澳ge海味店……我見過～～～」牙CA則謂：「之前去大澳都見過類似嘅鹹魚。」4038說：「真㗎，呢度係大澳嚟㗎！唔信你哋可以入大澳睇吓！一過橋就睇到㗎喇！呢條應該唔食得，得D皮，冇肉㗎！做樣咋！小弟是大澳人。」