「Goodafternoon！MayIassistyou？」客人一打開門，Psyche老例講呢句——無錯，佢就係麗嘉酒店THECAFE嘅帶位員，負責帶位、聽電話、處理客人投訴等等。睇佢咁嫩口，一畢業就嚟呢度返工？「係呀，我讀大學嗰陣已經喺度做Part-time侍應，覺得呢度嘅員工好肯互相幫忙，相處好融洽，做得好開心，所以一讀完書咪主動嚟應徵囉。」得個企字，會唔會嫌無挑戰性呀？「帶位要企門口負責接待客人，要好注意自己言行舉止，唔可以失禮酒店，同埋我要學識點樣處理危機，預咗客人投訴、繁忙時間要用最快時間安排客人入座，講真都幾有挑戰性㗎。」咁有無遇過乜嘢困難？「困難就無乜，一來同事都好幫手，二來客人嚟得呢度多數都係傾偈或者傾生意，唔太難Serve嘅，最緊要識執生囉。有次試過有客人打嚟訂位，傾傾吓先知佢想同朋友慶祝個難忘生日，時間又倉卒喎，又要我幫佢訂生日蛋糕同送禮物畀佢朋友喎，好彩最後都搞得開開心心。」果然係醒目女，讚佢兩句喇，佢笑笑口話：「邊係啫，邊係啫。」以為佢謙喇，點知臨走佢突然細細聲爆咗句：「其實我升咗個零月㗎咋。」真係專業得嚟又得意呀。
記者：蘇振鵬
攝影：棉錦文
燴法國田螺配香草火腿牛油汁$96
知你懶，剝埋田螺殼上碟，用叉一拮食得，火腿牛油汁用幾千蚊名貴火腿熬成，與田螺味100%夾。
三式鵝肝$140
法國菜最常見頭盤，一碟三種食法包括有香煎鵝肝、鵝肝醬、鵝肝雪糕，唔使成日食煎鵝肝咁悶蛋。
香煎龍蝦配和牛
午餐頭盤$328
午餐包主菜、餐湯、甜品、餐茶$328，呢個頭盤每次用上半隻龍蝦加頂級和牛，龍蝦爽甜，牛肉入口即溶，出面食一客散叫至少過$300，𠵱家畀多幾十蚊有餐食，抵。
食客評分（10分滿分）
THECAFE （28776666ext.8311）
地址：中環干諾道中3號麗嘉酒店地下
