茶餐廳:曼聯必搵韋根出氣 - 高洛文

茶餐廳:曼聯必搵韋根出氣 - 高洛文

侍仔:中秋節嘅歐國盃外圍賽大家係咪輸得好慘?今晚玩番聯賽,應該可以報番多少仇啦。
菠蘿文:英超似乎幾好玩咁,前列球隊今晚幾乎全數出場。
招積域:曼聯、車路士、阿仙奴出擊下游球隊,個款似乎全開上盤喎。
侍仔:曼聯作客對韋根,朗尼歐國盃外圍賽表現咁差,一定搵韋根出氣啦!車仔下星期三要踢歐冠盃,作客「奇兵」雷丁我估會留力;阿仙奴主場勢炒起屈福特。
大比數波膽有得諗
菠蘿文:韋根今季成績一般只係因為改動過大,但我對佢始終如一咁支持,撐佢主場守和曼聯,重插[+1],有2.65倍。
招積域:你估擺11個人喺後場就可以守和曼聯?冇合作性嘅球隊擺守勢,可能輸得仲甘,我就買曼聯贏嘅大波膽,好似3:1、4:1就啱數。
菠蘿文:咁車仔對雷丁呢?我就唔覺會留力喎,雷丁個主場雖然喺堆填區上面,而且跨季超過30場不敗,但車仔出征巴塞,更加要贏雷丁壯行色啦!舒夫真高仲唔係呢個時候入波振士氣?雷丁守唔住!
林伯:雷丁個主場可能有瘴氣,影響作客球隊演出先可以有咁多場不敗!
侍仔:阿伯,英格蘭輸得甘啫,但你都唔使儍咗咁亂講嘢啩,入咗嚟就畀吓貼士!
林伯:韋根單Wx雷丁W[+1]x錫菲聯下盤。韋根隊波係時候做番啲嘢俾球迷睇啦!
侍仔:好!既然你撐韋根,我就買曼聯贏!
文:高洛文