和咗馬其頓，算啦!作客對克羅地亞，應該四平八穩，踢番傳統4-4-2咪好囉！搞事玩變陣，踢3-5-2戰術？出事啦！0:2飲恨！英格蘭領隊麥卡倫真係……𤓓！
解說:足球術語中「陣式」，是指一隊球員在足球場上的位置分布。不同的陣式是根據球隊採用較進攻性，還是較防守性的踢法！
麥卡倫排陣失當
例如：3-5-2陣式，是指從後防線開始（不包括守門員），到中場線，再到前鋒線，3線球員的數目，即是3個後衞、5個中場及兩個前鋒，重心是中場5位球員，左右兩邊邊線嘅係翼鋒，偏向參與進攻；中間3位為了防止對手反擊，會比兩翼墮後一點，令中場線形成倒「V」字!
86年世界盃，阿根廷首先採用3-5-2陣式，成為世界盃冠軍，巴西亦以同樣陣式，捧走02世界盃！
領隊決定陣式時，要視乎球員的能力、技術、個性、紀律，以及適應能力！麥卡倫，諗諗計喇！否則，英格蘭就惟有唱國歌，期望《GodSavetheQueen》啦!
馮嘉奇
碩士球員讀萬卷書，親身歷盡各國足球風情。