除非你面上的癦有瑪麗蓮夢露咁性感，或者好似薛家燕咁，成為生招牌，否則，大部份女仔都唔想日日用遮瑕膏左遮右遮；更不想因一粒癦影響運程，或者給男朋友嫌棄。講得好似誇張咗少少，但每個女仔都想自己塊面白白滑滑㗎啦，不如搵方法脫咗佢啦！
記者：馬靜兒
攝影：伍慶泉、何家亮
Model：Va
平、凸唔同處理
全科醫生許智政醫生說，一般的癦分平和凸兩種。癦的形成是因黑色素積聚，平的癦較容易脫，凸的癦，如薛家燕額頭的大粒癦，即使做激光，都可能要做1小時，所以最好做手術割除。現時約有3種不同的脫癦方法：
藥水或藥膏──主要以藥腐蝕癦，然後結焦，但會影響周圍皮膚，且不能控制深度和範圍。
高電頻電癦──其實是以燒焦的方法將癦脫去，電完後會結焦，不過由於很難控制脫癦的深度，可能需要多做幾次。
激光脫癦──效果較好，可以脫到細緻的癦，也可以控制深度，事後會一個淡紅色痕迹，大約要3至4星期後才會消失。
個案1 脫癦方便化妝
Model阿Va面上的癦其實很細，但她決定要脫，只因化妝上鏡可以完美一點，不用左遮右遮。「我做model，平日若要化nude妝影相，每次都要用遮瑕膏遮癦好麻煩，所以我決定脫癦，面上的瑕疵少了，化妝都靚啲！」
激光效果最好
阿Va選擇CO2激光脫癦，貪佢夠快兼效果好。過程好簡單，以CO2激光打在癦上，每射一下，都只會射在癦的表層，進而將癦一層一層的氣化。一般來說，細細粒的癦射1分鐘就可以，而且不會流血，又無傷口。做完後，阿Va面上只剩下一個淡紅色印，在半日內都不宜化妝。
步驟
CosMedic（28342734）
激光脫 $1,200/粒（加1次followup）
第2粒 $800
個案2 去癦避厄運
當美容師的Connie：「我看過一些命相書，面上的癦大多會帶來厄運。我的鼻翼和嘴之間有癦，容易有腳傷，仲會勞苦一生。既然如此，唔理真定假，脫癦會安心啲。」
高電頻＋彩光 加倍白滑
美容師說不同大小的癦要用不同大小的針，小心控制電流便不會在脫癦後有痕迹，為安全起見，有需要時可能分2次做才能完全脫清。做高電頻後，要令傷口白滑一點，可用彩光照射傷口，以達至嫩膚效果。皮膚結焦後要待5-8日才會脫落。
步驟
TingHouse（25767227）
高電頻脫癦$500起，補脫$250
個案3 為哥一脫最瘋狂
女仔拍拖無晒理性，全聽男友說話。Polly面上沒有半點瑕疵，只是下巴有一粒癦，但男友唔多喜歡。「我男朋友鍾意我白白淨淨，唔鍾意面上有癦，下巴有都唔得。既然佢唔鍾意，我就去脫，反正女仔無癦靚啲！」
脫癦藥膏夠經濟
藥膏的化學腐蝕法是最多人用的脫癦方法，用針沾有腐蝕性藥膏刺入癦中，待7-10日後傷口結焦便完成。1星期後，Polly面上依然有焦，要多等數日痕迹才會完全消失。
步驟
ArcheBeauty（28876161）
藥膏脫癦$80/粒