車路士同曼聯到底有乜共通點？主場要打歐冠盃？定係主力踢完歐國盃外圍賽會腳軟？以上當然係共通點，不過最重要嘅唔係呢啲，而係……
韋根對曼聯，雷丁對車仔，足智彩只開「讓球主客和」，冇開讓球盤，不妨參考外地嘅亞洲盤賠率，可以更準確宏觀咁落決定！
目前兩隊同樣作客讓一球，主力周中踢完歐國盃外圍賽，下周又要應付歐冠盃賽事，加上對手都係硬嘢。韋根係前屆「升班馬」，成績有目共睹，今屆成績差，原因係6場波有4場作客；至於主場成績，韋根絕唔失禮，1勝1和。今晚受讓兼以逸待勞，可望偷雞爆冷！
同樣，車仔面對嘅對手雷丁，近10場竟然未輸過，簡直難以置信，被曼聯迫和可以話係經典！對手車仔，作客讓主隊，我要雷丁，雖然冇讓球盤，我鍾意和波！我知道車仔班球員諗乜！聯賽已經攞到唔想攞，留力歐冠盃最緊要！
維拉滴水不漏吼「細」
筆者另一場心水係維拉對熱刺，本來對維拉冇乜好感，但上場竟然可以悶和車仔，領隊奧尼爾確有料到，有啲前幾年布魯士帶伯明翰嗰種風格！
呢種防守嘅打法，真係好難對付。熱刺可能留力打歐協盃，，維拉攻力有限，我呢場鍾意入球「細」！
周鵬
商業1台《球迷集中贏》主持
電郵：[email protected]