昨日是「黑色星期五」，適逢港股及美股挑戰高位，唔少散戶或股評家都估昨日港股會下跌，結果於周四美股大升推動下，港股再創6年高位，更一度衝破18000關，炒家又一次打敗迷信。
有網友ekklee於《香港討論區》留言，問「股市黑色星期五，又唔黑色㗎？」
網友bb13133新手就建議大家不要掉以輕心：「黑色……在你不經意時出現，小心小心。」ekklee答：「又係升㗎……???大戶，我哋要投訴你哋辦事不力」同樣有點不甘心的xinhuichina就建議大家：「睇埋今晚美股先啦」
應驗淡友身上
另邊廂，可能揸重貨仲未沽的v6v懶幽默咁話：「自己油黑今日張日曆啦……哈！」口氣似足升市得益者的gigi_2005就表示：「可能係負負得正呀！」天上星說：「今日係淡友的blackfriday！」相信很多淡友都有同樣感覺。
對於下周走勢，杉木說：「尾市令人擔心下星期。」1885010更斬釘截鐵地說：「下星期就真係嚟料！」而帶起「黑色星期五」這個話題的ekklee又回應說：「我上星期都係咁講……」今次的結論就是不要人云亦云，要沽要買，自己要做足功課先。