謝霆鋒和張栢芝前晚自婚後首次在深圳同台演出，在後台兩人十指緊扣，搶盡鏡頭。不過栢芝舊愛陳小春則在港揶揄兩人說：「我蝕底在冇拖住女朋友行街、睇戲食飯，情到濃時kiss一吓，我唔想攞呢樣嘢做騷，唔需要引人注目。」
前晚在深圳錦繡中華．民俗文化村舉行的晚會《同一首歌》，邀請了多位表演嘉賓出席，包括周華健、蔡琴及F.I.R等，不過最受矚目的，當然是公布婚訊後首次同台演出的謝霆鋒和張栢芝，名副其實夫唱婦隨。
場面亂情深護花
原本大會安排霆鋒和張栢芝合唱，並會為他們公開證婚，但有傳雙方的經理人擔心傳媒炒作，因此取消計劃。晚會上，謝霆鋒先上台唱了三首歌，然後導演安排的三位女歌迷上台，將一對如意老人公仔送給霆鋒作為新婚禮物，緊接栢芝也上台獻唱了三首歌，曾經公開講過「霆鋒唔鍾意我性感」的栢芝果然一改性感風格，轉以密實裝束上陣。
雖然合唱告吹，但霆鋒和栢芝貫徹高調作風，兩人唱完走到後台時，大批歌迷、記者即擁上前要求拍照、簽名，一時間後台混亂，面對大場面，霆鋒和栢芝十指緊扣，含情脈脈地低頭慢行，霆鋒則情深地護住妻子，到達演員休息處，霆鋒將如意公仔交給栢芝，栢芝高興得連忘向導演致謝。
「祝佢哋從一而終」
另一邊廂，栢芝舊愛陳小春昨日接受商台訪問，對於栢芝跟霆鋒結婚，他祝賀他們白頭到老、永結同心，又表示會封利是作賀禮，但卻寄語栢芝及霆鋒要從一而終，似有言外之意，小春說：「若然係我，我一係唔結，一結就唔會離。」那麼他是否不看好兩人婚姻？小春說：「所以咪祝福佢哋從一而終囉。」
小春言語間又揶揄霆鋒，笑指自己的性格很難在娛樂圈發展，他說：「我蝕底在冇拖住女朋友行街、睇戲食飯，情到濃時kiss一吓。我唔想攞呢樣嘢做騷，如果兩個人係藝人就更加唔會，我唔需要引人注目，拍拖同結婚都唔會公開。」
撰文：葉雪
