老師講書沉悶，在課室百無聊賴做甚麼好？與同學談話易被老師察覺，睡覺又太浪費時間，連書也懶看，何況文字密密麻麻的小說？新一代學生充份利用新科技，一部手提MP4播放器在手便可打發時間，新戲舊片可隨時隨地欣賞，但行事務必小心，否則被人識破便「𤓓」爆淪為全校笑柄！
上課夠膽睇鹹片？仲係名校中二生？網絡近日流傳港島中西區band1名校一名中二男生，上課時偷偷用mp4播放器睇鹹片被老師「當場逮捕」，「贏得」同學「送贈」一個「AV_DUCK」綽號之餘，還被網友揶揄。
老師交訓導主任處理
網友「kyo_hk」近日在失敗論壇留言：「今年我哋學校最型，有條友拿部mp4（播放器）出來睇鹹片，老師睇到走過去嗰陣，佢拿部手提出來話玩sms，就喺呢個時候，部嘢又咁啱跌咗出來仲播緊，個老師畀咗訓導（主任）嗰陣，仲要畀佢㩒到啲嘢出來喎，幾好笑。佢返到屋企，佢阿媽會同佢講咩呀你估？佢𠵱家仲有個花名叫AV_DUCK㖭，band1中學喎，中二咋……」
網友對事件議論紛紛，「啊沈」說：「佢實俾佢阿媽罵……=.=」anguschan23則稱：「自己攞嚟賤，抵死。自己喺屋企睇就算啦，做咩要帶返學校睇？炫燿呀？俾阿媽罵都抵佢，唔值得可憐。」