蔣麗莉（圖）噚日做一個名為「職業女性，你累了嗎？」嘅演講嘉賓，講到家人嘅支持十分重要。佢話佢哋姊弟妹一共七人（六女一男），個個都好friend，成日溝通，佢估計平均每日都有一個姊妹同佢通電，講完一大輪嘢，發洩咗出嚟，就會舒服晒。
蔣麗莉又話，啲人以為佢比起其他姊妹特別堅強同獨立，其實佢只不過因為讀工程，又冇其他姊妹咁嬌滴滴，所以變成美麗嘅誤會，查實佢成家人都係咁堅強就真。八方跟住望吓佢身形，發覺佢真係幾弗，佢就話𠵱家有個習慣，就係一個禮拜要有一日食得清淡，咁樣可以清一清體內毒素，對身體自然好。