最有「心」嘅新地，一方面帶頭鋤價賣荃灣貨尾盤，另方面就唱高荔枝角新盤開價，姑勿論最後賣低幾多成，總之大家都一定會知道，喺美孚新邨同工業區之間，有個叫曼克頓山嘅新盤就快推。靠賣新盤頂住公司業績嘅地產代理，更加嚴陣以待，好似美聯咁，董事布少明已經同幾個主區阿頭，研究緊出招部署，早排仲搞咗場晚宴（圖）兼戰略會議，同美孚區一眾主管擦餐勁嘅，一於為曼克頓山同自己荷包搏到盡。