觀塘區工廈近年買賣暢旺，個價自然愈嚟愈高啦，最近又有單高價成交。中原九龍東工商部高級營業董事李彥樺報料，成業街16號怡生工業中心低層G室，約7130呎，剛連約以約684.5萬賣咗，呎價960蚊，創該廈近年新高。
買家係電子公司，早年已買入該廈一個約9000呎單位，因近年業務趨多元化，有意搞大間公司，所以買入呢個單位，計劃等約滿後收番自用。
據了解，原業主喺舊年5月用330萬元購入，年多就賺咗354.5萬，升值1倍，認真好眼光。
李彥樺話，觀塘區工廈呎價低過1000蚊嘅放盤，不知幾受投資者同用家歡迎。怡生工業中心𠵱家約有3個放盤，面積5600至7100呎，叫價每呎900至1200蚊。
電郵地址：[email protected]