歌舞伎演員出身嘅男星市川海老藏，自從同女星米倉涼子分手後，身邊嘅女星車輪轉，最近海老藏又被發現同24歲女星佐藤江梨子（圖）密會，仲一齊喺日式燒餅店度撐枱腳，據稱兩人係由中村獅童介紹認識。前日佐藤出席活動時例牌否認緋聞，仲話自己只係海老藏眾多女性朋友嘅其中一人，佢又強調自己仍然單身，希望早日遇到真命天子。