卸任港姐冠軍、曾任模特兒的葉翠翠昨日重操故業，與名模LisaS.、Rosemary、楊崢及陳沛嘉等為時裝品牌Episode行騷，翠翠說：「都有少少緊張，因為係卸任之後行嘅大騷，我仲為咗呢個騷特登去減肥，因為之前喺TVB好食好住，之前又中秋，所以咪肥咗。」
不怕是非
問翠翠會否因為港姐冠軍而酬勞幾級跳？她笑說：「多咗少少，𠵱家咪雙線發展，其實之前已經同佢哋合作過，因為我做模特兒parttime已經有五年，佢哋個個都好好，唔會怕是非，佢哋喺後台仲教我化妝，不過今日我都有獲大會優待，好似可以遲啲開工整頭，又安排打頭陣，影大合照又企喺中間，換衫又安排喺啲隱蔽位置。」
此外，周汶錡日前被指年紀大時似乎有點不悅，問楊崢對此事有何看法，她說：「我不嬲正面負面（新聞）都置身事外，我覺得女仔30歲先啱啱開始，可以好獨立同享受生活。」
採訪：顏英儀 攝影：陳志嵐
