沈殿霞（肥姐）目前仍在瑪麗醫院留醫，其女兒欣宜日前離開香港往加拿大出席修身堂的剪綵活動，前晚她甫返抵香港，便於晚上8時15分匆匆趕到醫院探望母親。
問欣宜是否如周刊所報道，到加拿大為肥姐尋找偏方，她說：「吓，係咩？我冇睇到，我去加拿大係幫修身堂剪綵，剪完即刻返。」又有指她跟張可頤緋聞男友Ricky拍拖，欣宜聞言說：「吓！我哋去買衫咋，我𠵱家冇拍拖，有就好喇，我都好想，不過冇人追，我哋只係朋友。」再問她是否到加拿大辦退學手續，欣宜說：「冇喎，冇啲咁嘅事，只係暫時請假。」
停學一年
昨早10時許，欣宜和姨媽再到醫院探望肥姐，問欣宜知否肥姐何時出院？她說：「預計11月頭。」記者追問她是否醫生的意思，她說：「唔係，係我希望佢可以11月頭出院啫。」她還透露這次返加拿大申請停學一年，回港照顧母親。談及緋聞時，她說：「我只係去咗4日就有咁多嘢發生，好好笑。」欣宜在醫院逗留至下午一時，之後離開。
昨日傍晚6時許，欣宜又折返醫院探肥姐，她說：「我去咗尖沙嘴睇完醫生先去纖體。」
採訪、攝影：張俊銘、李珮洳、娛樂突發組