鞏俐早前拍攝嘅荷李活電影《邁阿密風雲》(MiamiVice)下個月1號會喺內地上映，鞏俐親自為普通話版本配音，配音導演都大讚鞏俐夠專業，事關原裝版本裏面嘅鞏俐主要係講英文同西班牙語，當變成中文嘅時候難免同原意有啲出入，難度幾高，但鞏俐都配合得好好。因為要適應內地電檢尺度，所以聽講部戲裏面嘅激情同暴力鏡頭都被刪剪，足足剪短20分鐘，係近年被刪剪得最多嘅電影之一。