本地足球老牌勁旅南華今季大搞，除了大事擴軍外，亦重新包裝球隊；甚至連blog都有，入場睇波已經再不是「老餅」娛樂。不過波齡尚淺嘅球迷，未必認識南華之前的豐功偉績，今次blog頭檔找來了01年南華主場出戰亞冠盃賽事，以3:2力克日職勁旅清水心跳的短片。
其實這套全長約6分鐘的短片，來自電視台的入球精華片段；當年南華是本地頂尖球隊，陣中如歐偉倫、鄭兆聰、李健和等均是港隊中堅分子，外援如甄馬田（小圖中）、仙奴、高尼路等亦份量十足。01年亞冠盃次圈，在大球場面對由三都主領軍的清水心跳，亦不落下風，結果憑甄馬田大演帽子戲法，以3:2擊敗心跳；南華更憑這場優異表現，成為該月亞洲足協最佳球隊。
重溫短片勾起迴響
不少本地球迷重溫這場比賽短片，勾起對本地波的迴響；在足球留言區news.twonil.com.hk，網友Hidden表示：「呢場都有入場睇呀，好有氣氛。」小川@屎菇表示：「東方不敗嗰期，有一年抽正對當時日本班霸川崎讀賣，都叫有得鍊兩嘢啊。」亦有不少球迷慨歎本地波沒落，Stanley說：「（本地波）一年差過一年囉。」
http://www.youtube.com/watch?v=O-5lTtDzlas&NR