「兩年後都唔知乜嘢世界！」特首曾蔭權將最低工資立法時間最少拖延兩年，曾任職清潔工的阿來批評曾蔭權選擇性失明兼失聰，「對我哋班低下階層就見死不救。」他稱，完全不能接受政府用長達兩年時間觀察工資保障運動成效，「佢真係令人好失望。」
月薪三千難養家
43歲的阿來曾任清潔工多年，學歷只有小一程度的他，一年前開始失業，現時一家四口只靠五千多元綜援維生。他平日有找兼職幫補生計，但待遇極為不合理，「有啲清潔工，每日做八個鐘，月薪得三千蚊，連自己都照顧唔到，點可以養妻活兒。」他不諱言，市場工資水平太低，令他搵工動力大減，「如果最低工資有三十蚊一個鐘，每個月就有六千幾蚊，咁就唔使再攞綜援。」
工商界指最低工資為糖衣毒藥，但阿來卻視之靈丹妙藥，認為實施最低工資後，員工收入增加，消費力自然增強，打工仔口袋裏的金錢自然又流進商界手中，不明白僱主為何如此抗拒立法，「啲僱主個個都想用最平人工請最叻嘅人，𠵱家唔立法，你話幾多僱主會聽政府支笛。」
記者 盧文烈