先前同個Friend喺鴨脷洲食完飯，見仲飽飽哋所以諗住喺附近散吓步先去攞車走。點知行到去停車場附近嗰陣，朋友Ｄ突然大叫一聲：「好正呀！」跟住我就朝着佢視線嘅地方望咗眼，先發覺眼前一部ToyotaCrownComfort的士加咗料，所以即刻要用手機影低佢。
嘻，大家唔好諗住加咗料一定係衰嘢，我講嘅加料只係車主幫部車裝身啫；佢跟足日本版咁，喺頭冚上面加咗對電鍍倒後鏡、C柱加番Crown專用徽章，連組尾燈都由直立式變成房車款嘅橫條式，大Sell豪華咁話喎！仲有值得一讚嘅係，車主係好有心機Keep部車，喺夜晚嘅燈光照射下仲會閃閃發光，勁。
記者、攝影：鄭達基