南順噚日開股東大會，八十有三高齡嘅主席黃大椿（圖）有份出席，黃主席仲係老當益壯，精神唔錯，只係要有人喺隔籬扶住啫。眼見黃主席一出現，記者即刻上前打聲招呼，點知就俾公關姐姐截住，話黃主席冇咩特別公布，一下子將記者距於千里之外。 查番資料，黃主席都好耐冇同記者見面，就連喺中午之前開嘅股東大會都係來去匆匆，唔通約咗女婿地鐵主席錢果豐食番個lunch？