近年香港人選擇在內地置業的趨勢愈見盛行，但仍有不少人對於買大陸樓有所保留，像網民hazel01在《UNWANTSforum》上，詢問網友買大陸樓投資的意見，十居其九也反對。
識人幫你先好買
Jasmine_happy認同大陸樓市發展迅速，物業有投資價值，但就指出︰「不過大陸好多嘢仍然係靠用錢疏通，識人幫你先好買，唔係屋契變廢紙就唔好啦！」
聽到Jasmine_happy的言論，網友不禁恐慌起來，angiehk還說︰「嘩，咁鬼牙煙，仲諗住買間畀我父母養老㖭。」
網友十戒則認為︰「喺大陸買樓同香港最唔同嘅係冇保障，就算白紙黑字寫明嘅嘢，發展商都可以唔認數。喺香港仲可以從不同途徑去討回公道，但喺大陸又有咩計，唔係講惡就講關係，就算討回公道都五癆七傷，付出比收穫大很多，其他如治安、醫療、消防就唔講喇。
白紙黑字都冇用
如果用投資角度來看，大陸二手市場唔掂，與其買樓收租，不如買下基金、股票、外滙好過！」
turbo4872也力勸hazel01︰「我只怕你會畀人呃錢。你話喺香港收租，返大陸住都好啲！」