蒙嘉慧（YoYo）自從與鄭伊健蜜運後，工作運上升。前晚她為時裝品牌行騷，聽到記者稱呼她做「麵嫂」時，開心又風騷，又謂若別人覺得她與「鄭先生」特別襯，她願意情侶檔搵錢。
蒙嘉慧前晚聯同吳美珩和陳沛嘉在中環為Moiselle示範秋冬裝，羅霖與兒子、郭芯其和歐陽妙芝均有捧場，現場有位模特兒行騷時甩裙，露出胸圍。
YoYo接受訪問時，有記者突然稱呼她做「麵嫂」，起初她扮聾耳陳聽不到，該記者再大聲叫多次，YoYo即露出風騷表情，想一想說：「唔得，我叫YoYo呀，冇呢個花名，都係講番個騷啦。」
有報道指YoYo自從與伊健拍拖後，工作量大增，她說：「我有劇上啫，大家留意番我工作啦。」有指若兩人以情侶檔搵錢，可賺更多，她說：「如果啲人覺得我同鄭先生特別襯嘅話，我唔介意，又唔係我選擇。只要對我形象冇損害，我都可以做，我唔會推job。」
談到女模甩裙，YoYo說：「好彩有pad，意外一定有。我着嗰件seethrough都戴唔到bra，不過有層裡，我唔介意着。」
上位做一姐
工作多多的蒙嘉慧昨日又到中環為另一品牌行騷，演繹兩套秋冬服飾，其中一套低胸裙令她微波乍現，但行騷時她卻差點絆倒，幸好有驚無險。
談到戀情曝光，令她在無綫火速上位做一姐兼不停行騷，YoYo說：「我冇研究，但公司好錫我，唔認為同任何戀情有關。每年呢個時候都有行騷，只係過往被邀請睇多，今年就行埋騷，收入都多咗。」
至於鄭伊健早前為拍戲而剪短頭髮，早前他又將短髮剪得更短，他說：「聽啲老人家話，長髮剪短會病，我仲大笑，點知我剪完唔夠三日真係病。」伊健還請教光頭好友陳方藤如何護理頭皮，他說：「同事笑我打羽毛球咁健康都會病，可能我太虛喎。」
採訪：魯萍 攝影：陳順禎
