禮拜六，睇完紅魔睇紅軍。利物浦今輪主場對手係布力般流浪，一樣難哽，話晒客隊最近連贏曼城、米杜士堡同韋根，排名啱啱高紅軍1級排第9。紅軍最慘係荷蘭前鋒古積特踢國際賽傷足踝，要唞兩個禮拜，令領隊賓尼廸斯大失預算。
車仔鬥雷丁有冷味
據講，老將科拿可能會臨危受命，未來3場波鬥布力般、波爾多同埋鬥曼聯都會掛帥。不過，自從上個月默西塞德打吡輸畀愛華頓之後，科拿再未落過場比賽，至怕無狀態，救亡唔成幫倒忙。
同日倫敦雙雄車路士、阿仙奴都出師，其中以「車仔」鬥升班異軍雷丁較有「冷」味。阿仙奴挾5連勝強勢迎戰屈福特，所謂獅子搏兔就係呢隻。唔計班大國腳，睇完禾確特喺歐洲21歲以下錦標賽由中場線引球推進入埋波咁威猛，使驚兵工廠冇炮手？
科拿救亡福禍難料
利物浦vs布力般流浪
時間：香港時間周六10:00pm
直播：有線63及64台