半粒鐘減腩除腳臭釣硬金龜

靚女Christy&Elain最鍾意食零食，星期一至五都屈住喺個幾百呎辦公室裏，運動量接近零，加上日日撻成呎厚嘅批盪上塊面，肌膚日漸亁燥，面色蒼白無光澤，美麗指數每下愈況。忽聞下午有金龜來公司傾大Project，女同事即時進入作戰狀態，Christy同Elain就更醒目，趁lunch時間走去叉半粒鐘電急救，務求吸引金龜望多兩眼，分分鐘飛上枝頭變鳳凰！
記者：盧家蕙
攝影：何家亮
Model：Christy&Elain@GrandeeModel

通便排毒冇肚腩

Christy為了消除生鼓脹咁嘅肚，除咗唔食零食外，趁lunchtime仲去咗做「十二指腸通淋巴」療程，通過十二經絡及引流手法，於特定位置上按摩，暢通咗身體上的脾、肝、腎，幫助排出淋巴核的廢物及多餘脂肪，加速新陳代謝。按摩師話好多OL日坐夜坐，又鍾意食零食，高鹽、高脂、高膽固醇、味精和防腐劑等全食晒落肚，導致淋巴阻塞、廢物和脂肪積聚腸胃內，是以形成腹脹、消化不良、便秘水腫等情況。

排毒過程

1.首先按摩師會為客人按穴位、通淋巴，並指示客人用肚吸氣呼氣，令血氣運行得更暢順。

2.按摩師在每個穴位都按得好深，可有效去除脂肪，特別啱剛生完BB嘅媽咪收緊鬆弛的肚皮。

3.用力把腰側肉向肚中心推，可收緊腰形，更可舒緩經痛。

4.最後按摩師會為肚皮倒膜，以收美白、排毒及滋潤之效。亁透後把肚膜起出，30分鐘後便便暢通！

邊個撐？

Annie：「呢個療程我都做過，按摩師手勢很好，按完後就有便意，哈！」

Christy：「肚腩縮晒水，人又輕盈咗。」

十二指腸通淋巴　
蘋果讀者試做價$108/30分鐘（原價$380）
雅絲美療ArcheBeautyTherapy
查詢：28876161

高溫電頻平滑肌膚

唔少OL都有皮膚亁燥蒼白問題，所以Christy按完肚，就立即做埋facial。今次佢揀嘅EMWSuper-Lift無線電頻活肌療程，毋須做手術或注射都能撫平皺紋，理念是在皮膚上發放高效射頻熱能，將皮膚真皮層溫度升至40-45°C（表皮約39.5°C），以刺激膠原蛋白重生，將膠原纖維縮短、拉緊，以增加肌肉彈性，使肌膚變得飽滿亮澤。此療程早就獲得歐洲醫學美容科認證，評為安全有效，於市面上並未正式推出，Christy可以飲頭啖湯喇。　