今輪最有可能喺「大凶」日子失分嘅意甲聯強隊，應該係AC米蘭。唔講唔覺，原來AC米蘭已經連續3場比賽和波兼食白果，證明「軍刀」舒夫真高一去，前線人才凋零。坊間有口痕佬話恩沙基早排已經入晒今季嘅quota，基拿甸奴就更加不濟。禮拜六作客森多利亞，據講教練肥安決定復用奧利華拉踢正選。雖則話呢位巴西仁兄近日受綁架事件影響，而之前5場聯賽只係踢過兩場正選咁大把，狀態仲係麻麻，但既然雙「基」唔穩，變吓都係好事。
AC剋星巴辛尼復出
森多利亞水準唔穩定，不過今場有成日受傷嘅玻璃人巴辛尼復出。巴辛尼以前踢佩魯賈時成日令AC米蘭守衞頭痕，今次可能成為搶分奇兵。家陣聯賽榜3支領先球隊羅馬、巴勒莫同埋國際米蘭到周日至比賽，而今輪對手都唔算太強，未必出「冷」。
用奧利華拉好過雙「基」
森多利亞vsAC米蘭
時間：香港時間周六11:59pm
直播：有線62台