五部九巴日前離奇被偷，巴士絲毫無損，錢箱也分毫不失，行事者動機成疑，巴士迷則在網上議論紛紛。巴士阿嫂稱讚偷車賊駕駛技術了得，「都算勁，可以唔炒，仲由屯門去葵芳咁遠，真係要為佢鼓掌。」
由於以往曾有巴士迷偷車作樂，故不少人懷疑這次事件也是這些狂迷所為。不過網友分析這次應由熟悉巴士者作案，szecowcow指「呢次係行晒成條屯門公路，唔好講係咪受過訓先啦，但點都唔會係細路啦。」p20hin認定是「家賊」惡行，「偷車啲友仔一定係巴士公司做，如果唔係，點會屯門揸到葵芳冇事？」
gpoint2則說，偷車者應有貨車或者巴士牌，若無駕駛大型車輛經驗，根本不能控制大巴士，「淨係轉彎都好考工夫，轉唔啱位就掃鐵欄，一波已經好好動力，衝得幾行吓。」他又說九巴被人有機可乘，主因是巴士隨街停泊，「偷呢幾架就係因為隨街擺，所以最好就將啲巴士泊番入車廠。」