內地影帝姜文（左）早排俾內地傳媒踢爆，話女友周韻（右）上月生咗個仔，但姜文一直冇承認，反而女方嘅經理人就表示周韻係生咗BB，不過冇講爸爸係邊個。日前姜文喺內地出席一個公開活動時，終於肯開金口承認生咗個仔，佢話：「孩子現在就在河北哦！」原來佢忙於趕拍電影《太陽再次升起》，惟有將個仔帶返河北老家交畀親人照顧。至於點解唔畀女友照顧BB？姜文即刻扮聽唔到，乜都唔肯講。