風之后李麗珊話，養大一個小朋友要成400萬元，咁大筆錢，點儲？有人買基金，有人買股票，有人選擇穩穩陣陣去保險公司買兒童儲蓄計劃，回報未必最好，但勝在有保障，萬一自己有乜事，都有人代為供款，唔怕小朋友無所依靠。
市面上的兒童儲蓄計劃五花八門，全屬目標為本，即保障額愈高，供款相應愈多，不想負擔過重，宜盡早投保，可以攤薄每月供款額，總保費開支亦相對較少。兒童儲蓄計劃一般都有投保年齡限制，但供款年期彈性較大，除了友邦資優計劃外，其他都可附加醫療、危疾及意外等額外保障，但保費會隨保障增加而上升。
年屆18一筆過攞保金
至於領取保金，理財版綜合多家機構的產品，發現大多數計劃只發放部份保金（見附表），一次過全數發放兼派發紅利的並不多見，其中友邦的資優教育儲蓄計劃可讓小朋友到18歲時一次過領取保金，另外宏利的教育津貼計劃則可讓小朋友選擇一次過或分10年領取。
不少計劃都會於指定年期派發特別紅利，但留心「羊毛出自羊身上」，投保人支取紅利後，可能會影響滾存在戶口的現金價值，同時也要計算該筆金額是否足夠及配合孩子升學之用。