周麗淇（Niki）昨日與四名扮鬼扮馬的小朋友到商台宣傳英文新歌《FlyingPumpkin@海港城》，令現場充滿萬聖節氣氛。Niki見到兩名日本小朋友，即時母愛大發，被在場人士取笑「媾㗎仔」，今次也是她首次唱英文歌，所以錄音時特別講求字正腔圓，稍後其新歌會在海港城義賣發售，所有收益會捐給「心晴行動」。
不再拍鬼片
Niki透露萬聖節要在工作中度過，但就回憶起一個難忘的萬聖節，她說：「記得有年我同家姐成班朋友到上環一間以鬼屋做主題嘅餐廳食飯，當時真係由頭驚到落尾，食嘢都背脊骨落，因為時不時都會有人出嚟嚇你，仲要啲食物全部都好核突，嗰次真係好難忘，不過我試過喺日本玩鬼屋時，突然有人扮鬼攬我，搞到我係咁打佢，所以做嗰啲工作，錢都唔易賺。」她又透露早年拍攝鬼片《恐怖熱線II熱血青年》時，試過撞鬼，令她留下陰影，故暫時不會再拍鬼片。
採訪、攝影：駱華齡
