周三以歐國外作主力，保加利亞挾上周六賽和荷蘭的餘威，作客要淨勝盧森堡3球以上不難，讓球主客和[-2]「客勝」可作穩膽。
保加利亞上仗僅被荷蘭迫和，保軍一眾中前場球員當弗，雖然上仗入球功臣馬田柏杜夫因累積黃牌需要停賽，保軍尚有柏杜夫、貝碧托夫、保積洛夫等炮手；而且保軍習慣打順風波，前仗已可大炒斯洛文尼亞3蛋，不要因盧森堡之前主場僅敗予荷蘭而高估，保加利亞客勝可捧。
希臘平手盤立於不敗
國家隊對壘，主隊都讓唔起開平手，真係好極有限；波斯尼亞周三主場對希臘，唔單止開平手，更加是希臘低水，證明莊家已經看好客軍；加上希臘守力保持，外圍賽兩戰未失過波，平手盤起碼立於不敗。另外，威爾斯1.55倍熱W可串射；單睇上周六，威爾斯大敗1:5畀斯洛伐克，今場對手塞浦路斯贏愛爾蘭5:2，照計威爾斯都冇權贏；不過威爾斯今仗主勝只得1.6倍，熱得有啲過份，不過以威爾斯的比拿美、西蒙戴維斯等，都叫做有級數，一於畀多一次機會，博反底W。
最後冷膽選奧地利主場賽和瑞士；兩支08年歐國盃決賽周主辦國交鋒，論實力論近績，瑞士均遠優於奧軍；不過兩國合辦歐國盃，以後大家還有好多合作機會，冇必要作客贏波「落你面」，兩隊和和氣氣，和波收場，齊心搞好歐國盃仲好啦，3.15倍和局賠率已經算偏熱，要串埋。文：牽牛
歐國外投注策略
混合過關：星期三11希臘（平）（1.84）x
星期三13保加利亞勝[-2]（1.85）x星期三18奧地利和（3.15）x星期三23威爾斯勝（1.6）4x5
全中賠率：51.9倍