北韓核試俾美國專家話「似噪音多過似爆炸」，周一晚美股亦撐到實，最後扭跌為升，而昨日假期後復市的日股低開後亦愈升愈有，大大振奮好友信心。
昨日期指裂口高開146點，跟住一級級挾上，港股早市收市前，日股升上近4個月高位，期指挾升逾200點，但日股尾市急回，影響港股下午開市時期指裂口低開，但好友很快再組織攻勢，將升幅維持在200點水平，期指最後升191點，收17865，亦帶動恒指升148點，收17823。
昨日港股成交雖不夠300億元，但期指方面，好友採步步進迫策略，有些少趕盡殺絕的感覺，唔似係普通挾倉咁簡單，唔通有洞燭先機之輩沽咗淡倉，被「無形之手」挾淡？
記得上周六睇德銀的「窩輪心德」，提過佢哋發行的日經窩輪在上周五之前的7個交易日中，日經P輪每天均獲資金淨流入，而C輪則每日均獲資金剩流出，而當時日股走勢是向好，而咁啱北韓在本周一核試，實難免令人產生些少聯想。
太A推高止賺位
倉內的太A（019）昨升近85元，高見84.90元後回吐，最後收84.45元，仍升0.50元。為免重蹈早前升至85.40元冇沽貨，跟住回吐至79元的覆轍，故將止賺位推上84元。
趙飛雲