政府堅持喺添馬艦建政府總部，令一班愛錫香港海港嘅人好心傷，明明好開揚嘅海港景觀，一下子又俾高樓大廈遮住晒，再加上維港越填越細，真係令鍾意海港嘅人冇眼睇。
雖然政府對保護海港冇乜誠意，但始終仍有一班熱心人士要繼續同政府抗爭到底。好似保護海港協會主席徐嘉慎，同埋身兼保護維港行動召集人嘅立法會議員郭家麒咁，據知已經諗定喺11月中再搞護港大行動，初步構思有沿海港遊行同嘉年華會，希望鼓動市民繼續關注保護維港，唔好再畀政府喺海港問題上搞亂檔。
當然，徐嘉慎同郭醫生都應該知道，政府未必聽佢哋嘅意見。點解仲要咁勞心勞力？徐嘉慎話，堅信民意喺佢哋嗰邊，護港行動最終會surewin！