玖龍紙業（2689）噚日將本年報擺上網，八卦嘅華華當然要細讀一番啦！
原來集團創辦人張茵話雖貴為董事長，但佢嘅年薪僅為408萬元（人民幣.下同），單計袍金都只係118.8萬元，以年賺過13億嘅企業嚟講，都可算小數目，唔怪之得啲基金咁鍾意佢啦！
華華仲發現，張女士唔只年薪偏低，佢份糧更加少過佢老公──集團行政總裁劉名中㖭，真係唔知點解呢？唔通要畀多啲人工老公，等佢有錢畀番啲家用劉太？
至於佢哋個寶貝仔，亦即非執行董事劉晉嵩，就一蚊人工都無出到，唔知係咪當嚟學嘢，所以唔收人工？
不過，其實按佢哋兩夫婦揸成29.87億股計，總共收成6900萬元股息，都可以補番少少嘅！