秋天到，又係一大班人圍埋BBQ嘅時候，令人諗起以前專買燒烤包的野火樂園。網友polarso發Post：「全盛時有4間舖，佢嘅叉燒，金沙骨，沙爹魷魚，雞翼…等等…!!!可以回味吓就真好……!!!依（𠵱）家D（啲）燒烤食品店，燒烤場，完全不知所謂。」百佳女即刻回應：「記得，想當年好hit嫁（㗎）。佢有晒好多品種過（畀）你，水準又keep到，我最鍾意（嘅）雞翼都有好多隻味道添（㖭）。」vocalist亦係野火樂園Fans：「以前住係（喺）沙田……去bbq十次有十次都會去野火樂園買料！真係正！」我都係沙田友，都有去過野火樂園買燒烤包，想當年BBQ未普及，未有咁多地方供應燒烤包，與其說回味其味道，我就覺得同大班Friend一齊揀嘢食嘅感覺最好，𠵱家啲燒烤包一係俾大超巿壟斷，再唔係就燒烤場直接供應埋，無晒揀嘢食嘅樂趣，唉，一句到尾，香港真係愈來愈懨悶喇。
網址： http://www12.discuss.com.hk/viewthread.php?tid=2491892&extra=page%3D2