梁漢文（梁炳）一連兩場的《我愛廚房演唱會》前晚完騷，他特地將與T-back女舞蹈員的情慾演出加長，並加插互摸環節，接着林海峰出場，重演情慾騷，他站在梁炳的位置，梁炳則擘髀升上台，場面搞笑。
梁漢文在個唱上與T-back女舞蹈員演出火辣情慾場面，前晚上演加長版，加插了二人互摸及女舞蹈員作狀撫摸梁炳下身的動作，二人被降到台下後，梁炳就坐在椅子上擘髀，嘉賓林海峰站在他前面，全場觀眾見狀捧腹大笑兼拍爛手掌。
身材正拉長表演
事後在慶功宴上問梁炳與T-back女舞蹈員跳辣身舞的感覺，他說：「冇乜感覺，個女仔喺第一場晏晝先返到香港，我哋冇排練過㗎，本來第一晚嘅演出好短，見佢身材咁正冇理由嘥咗，第二晚咪拉長嚟做囉。」
梁炳的好友們前晚幾乎總動員打氣，包括許志安、蘇永康、古巨基、徐濠縈、陳裘大、何超儀夫婦和謝霆鋒等，迫爆嘉賓席，表演嘉賓林海峰演唱完歌也忍不住說：「梁炳除咗得好多歌迷朋友支持，行內音樂人都好支持，呢啲係畀錢買唔到㗎，恭喜你。」
致謝辭獨欠女友
梁炳致謝辭時，觀眾不停大叫其女友林文慧（Karen）的名字，但他最終只多謝家人及好友支持，梁炳說：「所有大騷，我身邊班朋友都到齊，唔知點解佢哋對我咁好。」說罷邊彈鋼琴邊唱《好朋友》，忍不住淚流披面。梁炳開心得在慶功宴上到處與人碰杯，問到為何不公開感謝女友時他說：「唔使，私人嘢私人搞掂。」
採訪：馬建華 攝影：林德雄
