今期《CarMagazine》封面都幾有鍊車feel，三架馬力加埋過千匹嘅超級房跑車一齊喺黑夜飛馳，淨係呢個封面都夠晒吸引。新奧廸S6、平治E63AMG、寶馬M5，識車之人都知呢三架車表面好似好低調，但辣起上嚟非同小可，難怪連筆者試完都話揸佢哋出街嗰陣，引擎聲勁到係人都望。尤其是架平治E63AMG，6.3公升V8引擎加上464匹馬力，就好似筆者咁講，就算佢身形幾咁大同重磅，發起威嚟一樣好似身輕如無物，可想而知呢架車有幾多料，刨晒十幾版詳盡報道之後，包你即刻對以上三架車一見鍾情。
大小環保車大集會
除上面嘅故事外，今期仲有好多新車會逐架詳盡介紹，當中包括有呢排勁Hit的全新MINI，仲有積架XKR，就算無心機刨晒幾版英文字，就咁睇相都幾正，因為攝影師特登喺紐約搵咗唔同嘅靚景嚟影，幾有Feel。今期另一不得不睇嘅仲有後面嘅新款環保車介紹，三架分別係混燃嘅本田CIVICIMA、電動REVAG-WIZ同用傳統汽油引擎嘅三菱i，另外仲會介紹埋TeslaRoadster，不妨睇睇。
記者：黃婉冰
攝影：林栢鈞
資料提供：時信出版（香港）有限公司（23565555）