王菲個細女李嫣因為兔唇，所以𠵱家仲喺美國分階段接受手術，不過噚日互聯網又有報道，話中央電視台想搵阿菲為春節晚會表演，但阿菲以心情未恢復為由推咗，更聲稱兩、三年內都唔會復出。但王菲嘅經理人陳家瑛接受訪問時，就話央視的確想搵阿菲做春節晚會，但只係初步接觸。至於阿菲會唔會復出、要休息幾耐就隨佢自己決定。