噚日港股最多跌過300點，散戶擔心個市唔掂，驚所謂「10月」股災月嘅出現。新論壇喺7至9月訪問咗2437個市民，調查市民對經濟前景嘅信心，原來喺第三季已經呈負面數字，得嗰98.1點，仲衰過舊年。
另一理事鄧咏駿就幫口話，市民情緒咁唔樂觀，同港府推出銷售稅嘅諮詢都好有關係，而上個禮拜嘅黃金周，自由行團數又少咁多，澳門就反而好景到不得了，加上特首以前開過咁多次嘅經濟高峯會，到家陣都冇乜可以落實。佢仲加多兩錢肉緊話，難怪市民驚本地經濟好似昂坪360吊車咁，行吓又停吓，咁信心又點會唔差呢。博士亦「答嗲」話，如果政府落實番啲長遠大型項目，好似當年玫瑰園先至係正路喎。