日本青春女星堀北真希，前日喺東京神田一間書店出席佢本寫真散文集嘅握手會，招待咗1000名fans參加。新書輯錄咗堀北喺雜誌《CMNOW》嘅連載，以及佢喺日常生活中深受影響嘅24句句子。近日忙於趕拍新劇《鐵板少女AKANE》嘅堀北，上個禮拜五度過咗18歲生日，佢話嗰日同朋友舉行咗墨魚丸燒派對慶祝。記者問堀北有冇迫朋友送禮物時，佢即時變得好怕醜咁，場面都幾搞笑。