網友「叉雞」中秋節一行18人幫襯青衣長發酒樓，打邊爐慶團圓，遭遇不速之「嚇」。當火鍋菜料一一送上之後，一隻飢餓「小強」（蟑螂）二話不說，從天花飛撲而下，擅自搭枱。酒樓方面認為小強未沾污食物，沒有問題；食物環境衞生署則已接獲投訴，展開調查。
酒樓指未沾污食物
「當大家正大開胃口食嘢時，突然有隻小強（可以話係大強，有兩吋多長）喺天花飛出，進入我哋枱上的某一隻杯。」目擊者「叉雞」還大讚小強落地姿態優美：「隻嘢飛落嚟嗰條拋物線，真係好靚！落正隻杯度，穿針都冇咁準！」
食客馬上把酒杯翻轉，困住小強（圖），然後向酒樓大興問罪之師，酒樓職員欲大事化小，小事化無：「大約十分鐘，有個職員拎走咗隻小強，一個應該係高級人士答覆是，唔喺食物入面，唔關佢哋事。」事件在「迷你論壇」掀起很大迴響，網民都建議投訴酒樓。
「叉雞」等人已經向食環署舉報，該署已展開調查。食環署發言人稱，根據《食物業規例》，如有證據顯示食物業處所不潔，署方可向持牌人提出檢控，最高可被判罰款一萬元及監禁三個月。