公園應否設禁煙區成為禁煙條例最新爭議焦點，當局透露會將界定公園禁煙區的權力下放至各區議會，此舉不但未獲好評，更令各議員大感「頭痕」，其中面積細小、星布各區的「蚊型」休憩公園勢成禁煙盲點！
「細公園得幾張櫈，唔通一張禁煙，另一張就畀人食煙？」沙田區區議員蔡耀昌透露，單是他所屬的火炭選區，至少有20個「蚊型公園」，不但難以劃出禁煙區，執行禁煙法例也有困難，他認為應該一刀切落實公園全面禁煙，「就算好似沙田中央公園咁大，將吸煙區劃得太偏僻又唔方便，煙民又好似二等公民咁俾人歧視，倒不如全面禁煙。」
區會執行易惹爭拗
「如果要在公園設吸煙區，應由康文署決定。」油尖旺區議會主席陳文佑認為，區議員背景不同，要由區議會決定公園的禁區肯定引起爭拗，且有實際困難，「好似公園入面嘅電機房或者危險品儲存點，就只有康文署知道。」
記者到維園一帶觀察，發現有不少煙民在公園內吸煙。吸煙多年的楊先生贊成公園全面禁煙，「我自己都已經食少咗，唔想影響到人哋健康。」不吸煙的郭小姐則說：「最好設喺入口，等煙民喺嗰度食，唔會影響其他人。」